card

Засгийн газрын тэтгэлэг

Жил бүр ОХУ-ын Засгийн газраас 15000 тэтгэлэгт хөтөлбөр дэлхий даяар зарлагдан, Монгол улсад 500 тэтгэлэгт хуваарийг олгодог байсан бол 2021 оноос энэ тоо нь 18000 болж, монголын 600 элсэгчдэд бакалавр, магистр, доктор, мэргэжил дээшлүүлэх, зуны сургалтын тэтгэлэгт хөтөлбөрийг олгох болсон. Энэ нь Монголын нийт хүн амын 1 хүнд ноогдох хэмжээгээрээ дэлхийд 1-рт орж байгаа юм.

ОХУ-ын Засгийн газрын тэтгэлгийн анхан шатны сонгон шалгаруулалтыг 2013 оноос эхлэн Монгол улс дахь Россотрудничество агентлагийн төлөөлөгчийн газар буюу Улаанбаатар дахь Руский дом /хуучнаар Оросын шинжлэх ухаан соёлын төв (РЦНК)/ нь Монгол улс дахь ОХУ-ын Элчин сайдын яамтай хамтран зохион байгуулж байна.

2021 онд Засгийн газрын 2022/2023 оны хичээлийн жилийн тэтгэлэгт хөтөлбөр нь 2021 оны 9-р сарын 1-нээс зарлагдсан бөгөөд 1-р шатны сонгон шалгаруулалт нь элсэгчдийн https://education-in-russia.com/ сайтанд онлайнаар бүртгүүлж оруулсан багц бичиг баримтуудыг үндэслэн явагдана; 2-р шатны сонгон шалгаруулалтыг Оросын боловсролын байгууллагууд мөн эдгээр бичиг баримтуудыг үндэслэн шалгаруулна.

Үе шат

Шаардлагууд

Хугацаа

Сонгон шалгаруулалтыг зохион байгуулагч нар

1-р шатны шалгаруулалт

1.    Аттестат болон дүнгийн тодорхойлолт дахь  мэргэжлийн чиглэлийн хичээл дээр “С” дүнгүй байх, мэргэжлийн чиглэлийн бус хичээл дээр 1-2 “С” дүнг зөвшөөрнө, Диплом дахь дундаж оноо “2,8”-с доошгүй байх.

2.    https://education-in-russia.com/ сайт дээр бүртгүүлэх (анкетаа бөглөх, мэргэжил сургуулиа зөв сонгох, холбогдох бичиг баримтуудаа орос хэл дээрх баталгаат орчуулгын хамт систем рүү оруулах).

3.    Мэдээллийг үнэн зөв бөглөх

4.    Бүх мэдээллээ оруулсны дараа “На проверку” статус дээр тавигдахыг онцгойлон анхаарах. “Черновик” статус дээр байгаа тохиолдолд материалууд нь шалгаруулалтанд оролцох боломжгүй

2021 оны 9-р сарын 1-нээс

10-р сарын 31-ний 00:00 цаг хүртэл

·  Улаанбаатар дахь Руский дом нь

·   Монгол улс дахь ОХУ-ын Элчин сайдын яам

2-р шатны шалгаруулалт

Шалгаруулалтын үеэр эрүүл мэндийн холбогдох шинжилгээнүүдийн хариунуудыг орос хэл дээрх баталгаат орчуулгын хамт системд оруулах

2022 оны 1-2 сард

Оросын боловсролын байгууллагууд

Жич:

Горилогчдын баримт бичгийг шалгах явцад Экспертын комисс нь дараах зүйлийг харгалзан үзэх болно. Үүнд:

1. боловсролын гэрчилгээ/аттестат/диплом/үнэмлэхний дундаж оноо

2. голлох хичээлийн дундаж оноо

3. нийгмийн ач холбогдол бүхий ололт амжилт, түүний дотор Русский Дом в Улан-Баторе-ийн арга хэмжээнд оролцсон байдал (спорт, нийгмийн амьдрал, урлагийн уралдаан тэмцээн гэх мэт)

4. тухайн чиглэлийн олон улсын олимпиад, бага хуралд оролцсон байдал, нийтлэлүүд:

  • хотын түвшинд (магистр ба аспирантуудын хувьд их сургуулиуд)
  • Орос Улсад зохион явуулсан олимпиадууд
  • бүх оросын олимпиад
  • бага хуралд илтгэл тавьсан, нийтлэлүүд (диплом эсвэл нийтлэлийн скан хуулбараар баталгаажуулсан байна)

5. олон улсын ажиллагаанд оролцсон байдал (Ялалт, Бүхнийг хамарсан буюу тотал, Угсаатан зүйн зэрэг диктантууд-цээж бичиг).

Баримт бичгийг судлаж ажиллахдаа Олимпиадуудын ялагч, шагналт байрны дипломуудыг харгалзаж үзнэ гэдгийг анхаарна уу.

“Архитектур-уран барилга» болон «Дизайн» мэргэжлээр элсэж буй горилогчдын анхааралд!

«Архитектур-уран барилга» болон «Дизайн» мэргэжлээр элсэх хүсэлтэй горилогчид анкетаа бөглөхдөө дараах зургийг А-4 хэмжээтэй цаасан дээр зурж (шугам зураг, гар зураг, зохиомж зэрэг) хавсрагах шаардлагатай:

  • Өнгөт харандаа, гуашь, усан будаг зэргээр зурсан бүтээл (байгалийн зураг, натюрморт)
  • Биет зүйлсийн дүрс (харааандан зураг)-тойрог, тэгш өнцөгт эсвэл квадрат (хайрцаг эсвэл лааз гэх мэт)
  • Циркуль, шугам гэх мэт хэрэгсэл ашиглаж хийсэн шугам зураглал.

*** Сонгон шалгаруулалтанд оролцох тухай мэдүүлгээ education-in-russia.com мэдээллийн системд дээрх хугацаанд амжилттай оруулсан горилогчдын баримт бичгийг оросын тэргүүлэх сургуулиудын төлөөлөгч гишүүдээс бүрдсэн Экспертын комисс шалгаж ажиллана.

*** Сонгон шалгаруулалтын дэлгэрэнгүй мэдээлэл, зөвлөгөө, зааварчилгаа, шаардлагуудтай доорхи холбоосоор танилцана уу:

1. 1-р шатанд бүрдүүлэх баримт бичгийн шаардлагууд

2. 2-р шатанд бүрдүүлэх баримт бичгийн шаардлагууд

3. Мэргэжлийн чиглэлийн голлох хичээлүүд

4. Сонгон шалгаруулалтын ажлын хуваарь

5. Сонгон шалгаруулалтыг явуулах үнэлгээний журам

*** “Русский дом”-ын тэтгэлгийн асуудлаарх Зөвлөх комиссын ажиллах цагийн хуваарь:

Даваа-Баасан гарагуудад 09.00 - 18:00 цаг

Лавлагаа авах утас: 99092277, 45-46-00.

Тэтгэлгийн сонгон шалгаруулалтанд бүрдүүлэх баримт бичгийн баталгаат орчуулга хийлгэх, зөвлөх үйлчилгээ авах бол энд дарна уу.

Холбогдох

Засгийн газрын 600 тэтгэлэгт хөтөлбөрүүдээс гадна жил бүр Монгол улсын тодорхой байгууллагуудын шугамаар нэмэлт тэтгэлгүүд зарлагддаг бөгөөд үүнийг тухайн холбогдох байгууллагуудаас нь лавлах боломжтой. Үүнд:

1. Гадаад харилцааны яамны шугамаар:

  • Москвагийн олон улсын харилцааны дээд сургуулийн тэтгэлэг
  • ОХУ-ын “Роснефть” НХН газрын тосны компаний тэтгэлэг
  • М.Губкины нэрэмжит нефть, хийн их сургуулийнтэтгэлэг

2. Батлан хамгаалах яамны шугамаар

3. Хууль зүй, дотоод хэргийн яамны шугамаар

(Цагдаагийн ерөнхий газар, Шүүхийн шийдвэр гүйцэтгэх газар, Шүүхийн шинжилгээний үндэсний хүрээлэн, Хууль сахиулахын их сургууль)


ЗГ-ын тэтгэлэгт хэн хамрагдах вэ?

  • Монгол сургуулийн ахлах ангийн сурагчид
  • Орос сургуулийн ахлах ангийн сурагчид
  • Бакалавр, магистр, специалитетаар сурах хүсэлтэй насанд хүрэгчид (нас харгалзахгүй)
  • Монголын их дээд сургуулийн оюутнууд
  • Эрдмийн зэрэг горилогчид

ЗГ-ын тэтгэлгийн хэлбэр/хэмжээ:

  • сонгосон сургуульдаа суралцах бүтэн сургалтын төлбөр (5-6 жил) 
  • орос хэлний мэдлэг хангалтгүй бол 1 жилийн хэлний бэлтгэл
  • сар бүрийн стипенд

Жич:

  • амьдрах байр 
  • ОХУ-руу явах, буцах, хот доторхи унааны зардал 
  • амьжиргааны зардал 
  • эрүүл мэндийн даатгал зэрэг зардлуудыг суралцагч өөрөө хариуцна.

Тэтгэлгээр суралцах зэрэг:

  • Бакалавр
  • Мэргэжилтэн (специалитет)
  • Магистр
  • Аспирантур (Адъюнктур/Интернатур/Ассистентур) зэрэг тус бүрээр нийт 700 орчим мэргэжлиийн чиглэлээр суралцах боломжтой.

Тавигдах ерөнхий шаардлага

1. Бакалаврын сургалтанд горилогчид:

  • Дунд сургууль төгсөгчид: аттестатын дүн “A”, “B” дүнтэй байх (мэргэжлийн бус чиглэлээр бол 2 “C” дүнг зөвшөөрнө)
  • 1, 2-р курсын оюутнууд: дундаж оноо 2,8-аас доошгүй байх

2. Магистр, аспирантурын сургалтанд горилогчид:

  • Дундаж оноо 2,8-аас доошгүй байх

Тэтгэлгийн сонгон шалгаруулалтанд тэнцэхэд нөлөөлөх хүчин зүйлс:

  • аттестат, дипломын онц сайн дүн
  • мэргэжлийн хичээлийн (математик, хими г.м.)
  • суралцах чиглэлийн хичээлийн онц сайн дүн
  • аливаа олимпиад, уралдаан тэмцээнд үзүүлж байсан амжилтууд
  • аливаа гавъяа шагналуудыг илэрхийлэх өргөмжлөл, сертификат, талархал, дипломууд
  • олон нийтийн, сайн дурын, олон улсын хурал, семинар, арга хэмжээнүүдэд оролцож байсан байдал
  • урлаг спортын онцгой авьяас

Тэтгэлэгт хамрагдах дараалал

Та 100% тэтгэлгээр сурмаар байна уу?

Гэвч юунаас эхлэх, яаж бэлтгэлээ хангах, орос хэл мэдэхгүй, ямар шалгуур хангах уу, бичиг баримт бүрдүүлэх үү, шалгалтандаа хэрхэн бэлдэх үү г.м. асуултууд тулгарч байна уу?

Тэгвэл Таныг ТЭТГЭЛЭГТ БЭЛТГЭХ ОНЛАЙН СУРГАЛТАНДАА УРЬЖ БАЙНА!

 

Тэтгэлэгт бэлтгэх сургалтанд хэрхэн хамрагдах вэ?

Энэхүү формыг бөглөснөөр бид Танд сургалт явагдах хугацаа, байршил болон холбогдох дэлгэрэнгүй мэдээлэл, зааварчилгааг илгээх болно.

Хэрэв Танд асууж тодруулах зүйл байвал манайд хандана уу!

 

Утас: 7515-7700

Имэйл: [email protected]

  7515-7700 
  [email protected]

Тэтгэлэгт бэлтгэх сургалтанд бүртгүүлэх

Хүсэлт илгээх