card

Засгийн газрын тэтгэлэг

Жил бүр ОХУ-ын Засгийн газраас 15000 тэтгэлэгт хөтөлбөр дэлхий даяар зарлагддагаас, Монгол улсад 500 хуваарийг олгож байгаа. Энэ нь Монголын нийт хүн амын 1 хүнд ноогдох хэмжээгээрээ дэлхийд 1-рт орж байгаа юм.

Жил бүр ОХУ-ын Засгийн газраас 15000 тэтгэлэгт хөтөлбөр дэлхий даяар зарлагддагаас, Монгол улсад 500 хуваарийг олгож, энэ нь Монголын нийт хүн амын 1 хүнд ноогдох хэмжээгээрээ дэлхийд 1-рт орж байгаа юм.

Монгол дахь ОХУ-ын Засгийн газрын тэтгэлгийн сонгон шалгаруулалтыг 2013 оноос эхлэн Россотрудничество агентлагийн Монгол дахь төлөөлөгчийн газар буюу Оросын шинжлэх ухаан соёлын төв нь Монгол Улсын БШУЯ-тай хамтран зохион байгуулж байна.

Засгийн газрын тэтгэлэг нь жил бүрийн 1-3 дугаар саруудад зарлагддаг бөгөөд дунджаар 1-2 сарын хугацаанд шалгаруулалтаа явуулдаг. Цар тахлын нөхцөл байдалтай холбогдуулан сонгон шалгаруулалтыг сүүлийн 2 жилд бүрэн онлайн хэлбэрээр зохион явуулж байна.

Засгийн газрын тэтгэлгээс гадна жил бүр Монгол улсын тодорхой байгууллагуудын шугамаар нэмэлт тэтгэлгүүд зарлагддаг бөгөөд үүнийг тухайн холбогдох байгууллагуудаас нь лавлах боломжтой. Үүнд:

1. Гадаад харилцааны яамны шугамаар:

  • Москвагийн олон улсын харилцааны дээд сургуулийн тэтгэлэг
  • ОХУ-ын “Роснефть” НХН газрын тосны компаний тэтгэлэг
  • М.Губкины нэрэмжит нефть, хийн их сургуулийн тэтгэлэг

2. Батлан хамгаалах яамны шугамаар

3. Хууль зүй, дотоод хэргийн яамны шугамаар

(Цагдаагийн ерөнхий газар, Шүүхийн шийдвэр гүйцэтгэх газар, Шүүхийн шинжилгээний үндэсний хүрээлэн, Хууль сахиулахын их сургууль)


ЗГ-ын тэтгэлэгт хэн хамрагдах вэ?

  • Монгол сургуулийн ахлах ангийн сурагчид
  • Орос сургуулийн ахлах ангийн сурагчид
  • Бакалавр, магистр, специалитетаар сурах хүсэлтэй насанд хүрэгчид (нас харгалзахгүй)
  • Монголын их дээд сургуулийн оюутнууд
  • Эрдмийн зэрэг горилогчид

ЗГ-ын тэтгэлгийн хэлбэр/хэмжээ:

  • сонгосон сургуульдаа суралцах бүтэн сургалтын төлбөр (5-6 жил) 
  • орос хэлний мэдлэг хангалтгүй бол 1 жилийн хэлний бэлтгэл
  • сар бүрийн стипенд

Жич:

  • амьдрах байр 
  • ОХУ-руу явах, буцах, хот доторхи унааны зардал 
  • амьжиргааны зардал 
  • эрүүл мэндийн даатгал зэрэг зардлуудыг суралцагч өөрөө хариуцна.

Тэтгэлгээр суралцах зэрэг:

  • Бакалавр
  • Мэргэжилтэн (специалитет)
  • Магистр
  • Аспирантур (Адъюнктур/Интернатур/Ассистентур) зэрэг тус бүрээр нийт 700 орчим мэргэжлиийн чиглэлээр суралцах боломжтой.

Тавигдах ерөнхий шаардлага

1. Бакалаврын сургалтанд горилогчид:

  • Дунд сургууль төгсөгчид: аттестатын дүн “A”, “B” дүнтэй байх (мэргэжлийн бус чиглэлээр бол 2 “C” дүнг зөвшөөрнө)
  • 1, 2-р курсын оюутнууд: дундаж оноо 2,8-аас доошгүй байх

2. Магистр, аспирантурын сургалтанд горилогчид:

  • Дундаж оноо 2,8-аас доошгүй байх

Тэтгэлгийн сонгон шалгаруулалтанд тэнцэхэд нөлөөлөх хүчин зүйлс:

  • аттестат, дипломын онц сайн дүн
  • мэргэжлийн хичээлийн (математик, хими г.м.) РЦНК-ийн шалгалтын өндөр оноо
  • суралцах чиглэлийн хичээлийн онц сайн дүн
  • аливаа олимпиад , уралдаан тэмцээнд үзүүлж байсан амжилт
  • аливаа гавъяа шагнал
  • урлаг спортын онцгой  авьяас

Тэтгэлэгт хамрагдах дараалал

ТА ТЭТГЭЛГЭЭР СУРМААР БАЙНА УУ?

Гэвч юунаас эхлэх, хэрхэн бэлтгэлээ хангах, орос хэлээ мэдэхгүй, бичиг баримт бүрдүүлэх, шалгалтандаа хэрхэн бэлдэх г.м. асуултууд тулгарч байна уу?

Тэгвэл ТЭТГЭЛЭГТ БЭЛТГЭХ ОНЛАЙН СУРГАЛТАНДАА УРЬЖ БАЙНА! 

Суралцахыг хүсвэл энд бүртгүүлнэ үү.

Хэрэв Танд асууж тодруулах зүйл байвал манайд хандана уу!

  7515-7700 
  [email protected]

Тэтгэлэгт бэлтгэх сургалтанд бүртгүүлэх

Хүсэлт илгээх