Оросын боловсролын үзэсгэлэн нь дэлхийд чансаагаараа тэргүүлэгч Оросын шилдэг их дээд сургуулиудын Монголд хүрэлцэн ирж элсэгчид, оюутан залуучууд, тэдний эцэг эхчүүдэд мэргэжил сонголт, сургуулиудын нэрийн тэтгэлэг, хос дипломны болон англи хэл дээрх хөтөлбөрүүд, сурч амьдрах орчин, амьдралын өртөг, оюутны байр, тэтгэлэг авах боломжууд зэргийн талаар мэдээлэл, зөвлөгөөг нэгэн доор олгодог Монгол дахь цорын ганц талбар болно.
Үзэсгэлэнгийн туршид элсэгчдийн дунд үнэ төлбөргүй тэтгэлэг олгох олимпиад, сорилын тест шалгаруулалт, үзүүлэх сургалтууд явуулахын зэрэгцээ Оросын сургуулиудын шинэ нээлт ололтууд, брэнд бүтээгдэхүүнүүд, экспертүүдийн лекц, ярилцлага, эрдэм шинжилгээний хурал, семинар, форумыг зохион байгуулж, мөн Оросод суралцаж буй оюутнууд болон төгсөгчид өөрсдийн суралцсан туршлага, эзэмшсэн болосврол, мэдлэг чадвараасаа ирээдүйн оюутнуудтайгаа хуваалцдаг. Түүнчлэн үзэсгэлэнгийн үеэр хонжворт сугалаа явуулж, азтангууд нь смарт TV, смартфон, ноутбук зэрэг шагналуудын эзэн болдог.
2021 оны Оросын боловсролын үзэсгэлэн нь 10 – 11 саруудад зохион байгуулагдана.
Албан ёсны дэмжлэг
Албан ёсны зохион байгуулагчид
