Оросын улс түмний найрамдлын их сургууль бол мэдлэгийн хязгааргүй их уурхай бөгөөд олон төрлийн мэргэжил, дэлхийн өнцөг булан бүрээс ирсэн оюутнууд, хос дипломын хөтөлбөрүүд, мэргэжил дээшлүүлэх судалгааны төслүүд, практик болон шинжлэх ухааны лабораториуд, олон төрлийн спорт, эрүүл амьдралын хэв маяг, шинэ найз нөхөд, оюутны амьдралын баялаг амьдрал юм.

Санкт-Петербургийн улсын их сургууль нь Петр I-ийн зарлигаар 1724 онд байгуулагдсан Оросын анхны их сургууль юм. Өнөөдрийн байдлаар тус сургуульд 385 үндсэн сургалтын хөтөлбөр, 800+ нэмэлт боловсролын хөтөлбөр, 150+ онлайн курсын сургалтуудыг орос, англи, хятад хэл дээр тус тус явуулж байна.

Тус их сургуульд дэлхийн өнцөг булан бүрээс ирсэн 18000 гаруй оюутнууд суралцдаг. 120 тэнхимд 2000 гаруй өндөр мэргэжлийн багш нар ажилладагаас 85% нь эрдмийн цол зэрэгтэй.

ОХУ-ын Буриад улс нь газар нутгийн хувьд Монгол улстай ойрхон тул замын зардал маш хямд. Буриадын их сургууль нь суурь шинжлэх ухааны олон чиглэлээр судалгаа шинжилгээний ажлууд хийдэг.

Алс дорнодын холбооны их сургууль бол оросын алс дорнодын томоохон дээд сургууль бөгөөд Ази-номхон далайн бүсийн академик суурь газар юм. Олон жилийн ШУ-ны уламжлалыг хадгалан, орчин цагийн боловсролын чиг шугамыг анхааран бид Ази-номхон далайн бүсийн эрдэм шинжилгээний төв болохыг эрмэлзэж байна.

Приволжийн анагаахын судалгааны их сургууль бол эртний их сургуулиудын нэг юм. Их сургууль шинжлэх ухаан-судалгаа, сургалт-хүмүүжлийн ажлаа дэлхийн болон өөрийн орны сонгодог уламжлалд түшиглэн боловсрол анагаахын салбарын орчин үеийн зарчим, шинэ хандлагыг удирдлага болгон амжилттай хэрэгжүүлж байна.