Эрхүүгийн үндэсний судалгааны техникийн их сургууль (ИРНИТУ) нь Монгол улсад боловсон хүчин бэлтгэж ирсэн тэргүүлэх зэрэглэлийн их сургуулиудын нэг юм. Тус их сургуулийг Монгол улсын Зам, тээврийн хөгжлийн яамны сайд Жадамбын Бат-Эрдэнэ (2017-2018 он), Уул уурхай, хүнд үйлдвэрийн яамны сайд Гэлэнгийн Ёндон ( 2020 оноос), “Эрдэнэт үйлдвэр” ТӨҮГ-ын ерөнхий захирал Хоохорын Бадамсурэн ( 2018 оноос) зэрэг төрийн өндөр албан тушаалтнууд төгссөн.

Оросын улс түмний найрамдлын их сургууль бол мэдлэгийн хязгааргүй их уурхай бөгөөд олон төрлийн мэргэжил, дэлхийн өнцөг булан бүрээс ирсэн оюутнууд, хос дипломын хөтөлбөрүүд, мэргэжил дээшлүүлэх судалгааны төслүүд, практик болон шинжлэх ухааны лабораториуд, олон төрлийн спорт, эрүүл амьдралын хэв маяг, шинэ найз нөхөд, оюутны амьдралын баялаг амьдрал юм.

Санкт-Петербургийн улсын их сургууль нь Петр I-ийн зарлигаар 1724 онд байгуулагдсан Оросын анхны их сургууль юм. Өнөөдрийн байдлаар тус сургуульд 385 үндсэн сургалтын хөтөлбөр, 800+ нэмэлт боловсролын хөтөлбөр, 150+ онлайн курсын сургалтуудыг орос, англи, хятад хэл дээр тус тус явуулж байна.

М.В. Ломоносовын нэрэмжит Хойд (Арктикийн) Улсын их сургууль нь (САФУ) ОХУ-ын Баруун хойд нутгийн томоохон шинжлэх ухаан, боловсролын төв юм. Тус их сургууль нь Евроазийн их дээд сургуулиудын нийгэмлэг болон ОХУ-ын тэргүүлэх их сургуулиудын нийгэмлэгийн гишүүн. САФУ-гийн төгсөгчид хөдөлмөрийн зах зээлд өндөр эрэлттэй байдаг бөгөөд нефть хий, хөлөг онгоц үйлдвэрлэл, барилга, эрчим хүч болон мэдээллийн технологийн чиглэлээр олон улсын болон ОХУ-ын олон тооны төсөл хөтөлбөрт амжилттай оролцож байна.

1992 онд байгуулагдсан үндэсний судалгааны эдийн засгийн их сургууль (HSE University) нь олон улсын шинжлэх ухаан болон зохион байгуулалтын стандартад тулгуурлан шинжлэх ухаан боловсролын, төсөл хөтөлбөрүүдийн, эксперт дүн шинжилгээний, нийгэм соёлын үйл ажиллагаагаа явуулдаг.

Эрхүүгийн улсын их сургууль (ИГУ) нь байгалийн шинжлэх ухаан, физик математик, хүмүүнлэг, нийгэм эдийн засаг болон сурган хүмүүжүүлэх ухааны олон төрлийн сургалтууд мөн шинжлэх ухааны судалгаа шинжилгээ идэвхтэй явуулдаг сонгодог их сургууль юм.

Кубаний улсын их сургууль нь байгалийн шинжлэх ухаан болон хүмүүнлэгийн ухааныг хослуулан заан сургадаг сонгодог их сургууль юм. Дэлхийн 80 гаруй тэргүүлэх их сургуулиуд Кубаний их сургуультай боловсрол, шинжлэх ухаан, инновацийн салбарт хамтран ажилладаг.

Өмнөд-Уралын улсын их сургууль нь (ЮУрГУ) Европ, Азийг холбосон олон соёл,олон үндэстний SMART их сургууль бөгөөд Евроазийн хилийн заагт орших Челябинск хотод байрлах ба оросын дээд боловсролын нэг лидер юм. Рейтингээрээ ОХУ-ийн тэргүүлэх 15 их сургуулийн тоонд багтдаг мөн жилээс жилд дэлхийн их, дээд сургуулийн жагсаалтад рейтингээ ахиулсаар байна. Дэлхийн түвшийн мэдлэг боловсрол эзэмшсэн, олон улсын зах зээлд өрсөлдөх чадвартай мэргэжилтэн бэлтгэхэд манай сургуулийн сургалтын бүх бодлого, хөтөлбөрүүд чиглэдэг. Өнөөддөр ЮУрГУ-д 58 орны 2300 гадаад оюутан олон төрлийн мэргэжилээр суралцаж байна. Сургуулийн хэмжээнд бакалавр, магистр, специалитет, орос болон англи хэл дээрхи аспирантур гэх мэт олон түвшний сургалтын хөтөлбөр хэрэгжиж байна.

ӨМНӨД БҮСИЙН ХОЛБООНЫ ИХ СУРГУУЛЬ - Южный федеральный университет (ЮФУ) нь 1915 онд байгуулагдсан бөгөөд Орос Улсын Өмнөд хэсэгт байрладаг томоохон судалгаа - боловсролын төв юм. Тус их сургуулийн 24 000 оюутны 2000 нь гадаад оюутан байна.

ОХУ-ын Засгийн газрын дэргэдэх Санхүүгийн их сургууль бол эдийн засагч, санхүүч, санхүүгийн эрх зүйч, хуульч, математикч, мэдээллийн технологийн мэргэжилтнүүд, социологичид, улс төрдчийг бэлтгэдэг Оросын ууган их дээд сургуулиудын нэг юм.

ОХУ-ын Буриад улс нь газар нутгийн хувьд Монгол улстай ойрхон тул замын зардал маш хямд. Буриадын их сургууль нь суурь шинжлэх ухааны олон чиглэлээр судалгаа шинжилгээний ажлууд хийдэг.

Томскийн улсын их сургууль нь Оросын Азийн бүс нутаг дахь анхны их сургууль болж 1878 онд байгуулагдсан юм. Өнөөдөр тус сургууль нь үндэсний судалгааны их сургуулийн статустайгаар ОХУ-ын томоохон их сургуулиудын нэг болж, нийт 15000 гаруй оюутнуудтай бөгөөд үүнээс 3000 гаруй нь гадаадын улс орнуудаас суралцаж байна. Их сургуульд 20 дээд сургууль, факультетууд, 135 чиглэлийн 42 эрдэм шинжилгээ, судалгааны сургуулиуд үйл ажиллагаагаа явуулж, 2019 оноос Дэлхийн QS рейтингээр дэлхийд ТОП-300-д, QS BRICS-ийн ТОП-20 буюу ОХУ-даа 4-т орлоо. Томскийн улсын их сургууль нь гадаадын болон холбооны түвшний тэргүүлэх их сургуулиуд, сангуудтай нягт хамтын ажиллагаатай байдаг. Гадаад түншүүдийн тоонд Европ, Ази, АНУ, Африк, Австралийн 114 их сургууль орохоос гадна, дэлхийн 20 гаруй орнуудын сангууд болон олон улсын байгууллагуудтай идэвхтэй харилцдаг.

Улс хоорондын харилцаа хамтын ажиллагааг бэхжүүлэх, хөгжүүлэх зорилготой Евразийн Эдийн Засгийн Залуучуудын Форум нь УрЭЗИС-ийн нэрийн доор хэдэн арван мянган залуучуудыг ардын дипломатаар нэгтгэсэн, ОХУ-ын эрх барих байгууллагууд, улс төр, нийгэм, 70 гаруй улс орнуудын залуучуудын байгууллагуудын дэмлжэг оролцоотойгоор орон орны оюутнуудын үндэсний хийгээд дэлхийн эдийн засгийн асуудлаар хэлэлцдэг талбар юм.

Сургуулийн дэд бүтцэд: 11 сургуулийн байр, 6 оюутны байр, “Нагаево” болон “Кульчум” гэх 2 эрүүл мэнд, спортын баазууд багтдаг.

Адыгейн улсын их сургууль нь 1940 онд байгуулагдсан ба Адыгейн Бүгд найрамдах улсын сургалт-эрдэм шинжилгээний гол төв бөгөөд 2015 оны 10 дугаар сард 75 жилийнхээ ойг тэмдэглэсэн. Адыгейн улсын их сургууль байгуулагдсан цагаасаа эхлэн өнөөдрийг хүртэл орчин үеийн сонгодог их сургуулийн гол гурван үүрэг болох боловсрол, шинжлэх ухаан, бүс нутгийн хөгжлийг хангахад оролцож байна.

Владивостокийн эдийн засаг, сервисийн улсын их сургууль нь ОХУ-ын Холбооны Алс Дорнодын тойргийн нийслэл Владивосток хотод байдаг бөгөөд улс орны эдийн засгийн хүчирхэг дээд сургуулийн нэг юм. Тус их сургуулийн жилээс жилд олдог ололт амжилтыг нь бүс нутаг, холбооны түвшин, олон улсын хэмжээний түвшинд олж авсан грант, шагналууд тодорхойлон баталж байна.