ӨМНӨД БҮСИЙН ХОЛБООНЫ ИХ СУРГУУЛЬ - Южный федеральный университет (ЮФУ) нь 1915 онд байгуулагдсан бөгөөд Орос Улсын Өмнөд хэсэгт байрладаг томоохон судалгаа - боловсролын төв юм. Тус их сургуулийн 24 000 оюутны 2000 нь гадаад оюутан байна.

Өмнөд-Уралын улсын их сургууль нь (ЮУрГУ) Европ, Азийг холбосон олон соёл,олон үндэстний SMART их сургууль бөгөөд Евроазийн хилийн заагт орших Челябинск хотод байрлах ба оросын дээд боловсролын нэг лидер юм. Рейтингээрээ ОХУ-ийн тэргүүлэх 15 их сургуулийн тоонд багтдаг мөн жилээс жилд дэлхийн их, дээд сургуулийн жагсаалтад рейтингээ ахиулсаар байна. Дэлхийн түвшийн мэдлэг боловсрол эзэмшсэн, олон улсын зах зээлд өрсөлдөх чадвартай мэргэжилтэн бэлтгэхэд манай сургуулийн сургалтын бүх бодлого, хөтөлбөрүүд чиглэдэг. Өнөөддөр ЮУрГУ-д 58 орны 2300 гадаад оюутан олон төрлийн мэргэжилээр суралцаж байна. Сургуулийн хэмжээнд бакалавр, магистр, специалитет, орос болон англи хэл дээрхи аспирантур гэх мэт олон түвшний сургалтын хөтөлбөр хэрэгжиж байна.

Якутск хот дахь М.К.Аммосовын нэрэмжит Хойд дорнодын холбооны их сургууль ОХУ-ын 10 холбооны их сургуулийн нэг нь юм. Анх М.К.Аммосовын нэрэмжит Якутскийн улсын их сургууль нь 1956 оны 8 сарын 23-ны өдөр байгуулагдаж байсан бөгөөд 2010 оны 4 сарын 2-ны өдрөөс Хойд дорнодын холбооны их сургууль болж өөрчлөгдсөн.

Санкт Петербургийн Үйлдвэрлэлийн технологи, дизайны улсын их сургууль (СПбГУПТД) нь ОХУ-ын технологи уран сайхны чиглэлийн олон түвшний сургалттай томоохон их сургуулиудын нэг юм. Их сургууль нь хотын түүхэн төвд байрладаг ба Эрмитаж, Хааны ордны талбай, Оросын музей зэрэг түүхэн дурсгалт газар луу ердөө 10 мин. явган явж хүрнэ.

Эрхүүгийн улсын их сургууль (ИГУ) нь байгалийн шинжлэх ухаан, физик математик, хүмүүнлэг, нийгэм эдийн засаг болон сурган хүмүүжүүлэх ухааны олон төрлийн сургалтууд мөн шинжлэх ухааны судалгаа шинжилгээ идэвхтэй явуулдаг сонгодог их сургууль юм.

М.В. Ломоносовын нэрэмжит Хойд (Арктикийн) Улсын их сургууль нь (САФУ) ОХУ-ын Баруун хойд нутгийн томоохон шинжлэх ухаан, боловсролын төв юм. Тус их сургууль нь Евроазийн их дээд сургуулиудын нийгэмлэг болон ОХУ-ын тэргүүлэх их сургуулиудын нийгэмлэгийн гишүүн. САФУ-гийн төгсөгчид хөдөлмөрийн зах зээлд өндөр эрэлттэй байдаг бөгөөд нефть хий, хөлөг онгоц үйлдвэрлэл, барилга, эрчим хүч болон мэдээллийн технологийн чиглэлээр олон улсын болон ОХУ-ын олон тооны төсөл хөтөлбөрт амжилттай оролцож байна.

Оросын улс түмний найрамдлын их сургууль бол мэдлэгийн хязгааргүй их уурхай бөгөөд олон төрлийн мэргэжил, дэлхийн өнцөг булан бүрээс ирсэн оюутнууд, хос дипломын хөтөлбөрүүд, мэргэжил дээшлүүлэх судалгааны төслүүд, практик болон шинжлэх ухааны лабораториуд, олон төрлийн спорт, эрүүл амьдралын хэв маяг, шинэ найз нөхөд, оюутны амьдралын баялаг амьдрал юм.

Санкт-Петербургийн улсын их сургууль нь Петр I-ийн зарлигаар 1724 онд байгуулагдсан Оросын анхны их сургууль юм. Өнөөдрийн байдлаар тус сургуульд 385 үндсэн сургалтын хөтөлбөр, 800+ нэмэлт боловсролын хөтөлбөр, 150+ онлайн курсын сургалтуудыг орос, англи, хятад хэл дээр тус тус явуулж байна.

Арктикийн улсын соёл, урлагийн дээд сургууль нь ОХУ-ын зүүн хойд бүс нутагт урлагийн салбарын боловсон хүчин бэлтгэх тэргүүлэх их сургууль юм. Манай сургуулийн анхны гадаад төгсөгч нь чимэглэл урлагийн чиглэлээр бакалаврын зэрэгтэй төгссөн финлянд бүсгүй юм.

Сургуулийн дэд бүтцэд: 11 сургуулийн байр, 6 оюутны байр, “Нагаево” болон “Кульчум” гэх 2 эрүүл мэнд, спортын баазууд багтдаг.

Адыгейн улсын их сургууль нь 1940 онд байгуулагдсан ба Адыгейн Бүгд найрамдах улсын сургалт-эрдэм шинжилгээний гол төв бөгөөд 2015 оны 10 дугаар сард 75 жилийнхээ ойг тэмдэглэсэн. Адыгейн улсын их сургууль байгуулагдсан цагаасаа эхлэн өнөөдрийг хүртэл орчин үеийн сонгодог их сургуулийн гол гурван үүрэг болох боловсрол, шинжлэх ухаан, бүс нутгийн хөгжлийг хангахад оролцож байна.

Владивостокийн эдийн засаг, сервисийн улсын их сургууль нь ОХУ-ын Холбооны Алс Дорнодын тойргийн нийслэл Владивосток хотод байдаг бөгөөд улс орны эдийн засгийн хүчирхэг дээд сургуулийн нэг юм. Тус их сургуулийн жилээс жилд олдог ололт амжилтыг нь бүс нутаг, холбооны түвшин, олон улсын хэмжээний түвшинд олж авсан грант, шагналууд тодорхойлон баталж байна.

Бүх оросын кино урлагийн улсын дээд сургуулийн бүрэлдэхүүн дэх Эрхүүгийн салбар нь боловсрол, шинжлэх ухаан, үйлдвэрлэл, олон нийтийн болон бусад үйл ажиллагааг хамтран гүйцэтгэх замаар дээд сургуулийн хөгжлийн хэтийн нэгдсэн зорилго, зорилтыг хэрэгжүүлдэг. Салбар сургуульд Бүх оросын кино урлагийн улсын дээд сургууль (ВГИК)-ийн багш нар, төгсөгчид багшилж, уран бүтээлийн урлан, клубүүдийг удирддаг. Түүнчлэн салбарын сурган, заах арга, эрдмийн хамт олон алдартай дээд сургуулийн уламжлалыг өвлөн авч, кино урлаг, телевизийн салбарын боловсон хүчин бэлтгэн гаргаж, сурган хүмүүжүүлж байна.

Горно-Алтайн улсын их сургууль нь 1949 онд байгуулагдсан ба Алтайн Бүгд Найрамдах Улсын хамгийн том боловсрол-шинжлэх ухааны цогцолбор юм. Горно-Алтайн байгалийн баялаг, түүх-соёлын өв нь янз бүрийн бүс нутгуудад өндөр мэргэшсэн мэргэжилтнүүд бэлтгэх шимтэй суурь болсон юм.

Халимагийн улсын их сургууль 1970 онд байгуулагдсан. ХУИС-д мэргэжилтэн бэлтгэх түвшин: бакалавр, мэргэжилтэн, магистр, аспирантур, докторантур. ХУИС-д өнөөдөр 9000 гаруй оюутан суралцдагаас 800 гаруй нь гадаад оюутнууд юм.

МУСЗСИС бол орос дахь анхны сэтгэл зүйн чиглэлийн их сургууль юм. Тус сургууль нь өнөөдөр улс орны нэр хүнд бүхий их сургууль гэдэг нь түүнд орох өрсөлдөгчдийн тоо өндөр ба төгсөгчид хөдөлмөрийн зах зээлд ихээхэн хэрэгцээтэй байдагаар харагддаг юм. 2017 онд МУСЗСИС "Россия сегодня" агентлагийн үзүүлэлтээр хүмүүнлэгийн сругуулиудын дунд нэгдүгээр байр эзэлсэн.