Оросын улс түмний найрамдлын их сургууль бол мэдлэгийн хязгааргүй их уурхай бөгөөд олон төрлийн мэргэжил, дэлхийн өнцөг булан бүрээс ирсэн оюутнууд, хос дипломын хөтөлбөрүүд, мэргэжил дээшлүүлэх судалгааны төслүүд, практик болон шинжлэх ухааны лабораториуд, олон төрлийн спорт, эрүүл амьдралын хэв маяг, шинэ найз нөхөд, оюутны амьдралын баялаг амьдрал юм.

М.В. Ломоносовын нэрэмжит Хойд (Арктикийн) Улсын их сургууль нь (САФУ) ОХУ-ын Баруун хойд нутгийн томоохон шинжлэх ухаан, боловсролын төв юм. Тус их сургууль нь Евроазийн их дээд сургуулиудын нийгэмлэг болон ОХУ-ын тэргүүлэх их сургуулиудын нийгэмлэгийн гишүүн. САФУ-гийн төгсөгчид хөдөлмөрийн зах зээлд өндөр эрэлттэй байдаг бөгөөд нефть хий, хөлөг онгоц үйлдвэрлэл, барилга, эрчим хүч болон мэдээллийн технологийн чиглэлээр олон улсын болон ОХУ-ын олон тооны төсөл хөтөлбөрт амжилттай оролцож байна.

Якутск хот дахь М.К.Аммосовын нэрэмжит Хойд дорнодын холбооны их сургууль ОХУ-ын 10 холбооны их сургуулийн нэг нь юм. Анх М.К.Аммосовын нэрэмжит Якутскийн улсын их сургууль нь 1956 оны 8 сарын 23-ны өдөр байгуулагдаж байсан бөгөөд 2010 оны 4 сарын 2-ны өдрөөс Хойд дорнодын холбооны их сургууль болж өөрчлөгдсөн.

Эрхүүгийн улсын их сургууль (ИГУ) нь байгалийн шинжлэх ухаан, физик математик, хүмүүнлэг, нийгэм эдийн засаг болон сурган хүмүүжүүлэх ухааны олон төрлийн сургалтууд мөн шинжлэх ухааны судалгаа шинжилгээ идэвхтэй явуулдаг сонгодог их сургууль юм.

Кубаний улсын их сургууль нь байгалийн шинжлэх ухаан болон хүмүүнлэгийн ухааныг хослуулан заан сургадаг сонгодог их сургууль юм. Дэлхийн 80 гаруй тэргүүлэх их сургуулиуд Кубаний их сургуультай боловсрол, шинжлэх ухаан, инновацийн салбарт хамтран ажилладаг.

“Томскийн үндэсний судалгаа шинжилгээний политехникийн их сургууль нь ОХУ-ын техникийн тэргүүүлэх их сургуулиудын нэг бөгөөд 1896 онд Николай II хааны практик инжиенерүүүдийн Томскийн технологийн дээд сургууль нэртэйгээр байгуулагдаж байв.

Өмнөд-Уралын улсын их сургууль нь ( цаашид ЮУрГУ гэж товчилно) Европ, Азийг холбосон олон соёл,олон үндэстний SMART их сургууль бөгөөд Евроазийн хилийн заагт орших Челябинск хотод байрлах ба оросын дээд боловсролын нэг лидер юм. Рейтингээрээ ОХУ-ийн тэргүүлэх 15 их сургуулийн тоонд багтдаг мөн жилээс жилд дэлхийн их, дээд сургуулийн жагсаалтад рейтингээ ахиулсаар байна. Дэлхийн түвшийн мэдлэг боловсрол эзэмшсэн, олон улсын зах зээлд өрсөлдөх чадвартай мэргэжилтэн бэлтгэхэд манай сургуулийн сургалтын бүх бодлого, хөтөлбөрүүд чиглэдэг. Өнөөддөр ЮУрГУ-д 58 орны 2300 гадаад оюутан олон төрлийн мэргэжилээр суралцаж байна. Сургуулийн хэмжээнд бакалавр, магистр, специалитет, орос болон англи хэл дээрхи аспирантур гэх мэт олон түвшний сургалтын хөтөлбөр хэрэгжиж байна.

ӨМНӨД БҮСИЙН ХОЛБООНЫ ИХ СУРГУУЛЬ - Южный федеральный университет (ЮФУ) нь 1915 онд байгуулагдсан бөгөөд Орос Улсын Өмнөд хэсэгт байрладаг томоохон судалгаа - боловсролын төв юм. Тус их сургуулийн 24 000 оюутны 2000 нь гадаад оюутан байна.

Санкт Петербург хотын Уулын их сургууль (СПГУ) нь 1773 оны 10 сарын 21- нд ( 11 сарын 1) Екатерина II Хатан хааны зарлигаар Оросын анхны уулын чиглэлтэй инженерийн их сургууль болон байгуулагдсан түүхтэй. Энэ огноог Оросын техникийн дээд боловсролын төрсөн өдөр хэмээн үзэж болно. Өнөөдөр Уулын их сургууль дээд мэргэжилийн бүх түвшний сургалтын хөтөлбөрийг хэрэгжүүлж нефть, хий, өнгөт болон ховор метал, алмаз, үнэт чулууны эрэл хайгуул хийдэг, олборлолт үйлдвэрлэлт явуулдаг Оросын болон дэлхийн томоохон компаниудад зориулсан бакалавр, магистрын түвшний болон дипломтой мэрэгжилтнүүдийг бэлтгэж байна.

ОХУ-ын Буриад улс нь газар нутгийн хувьд Монгол улстай ойрхон тул замын зардал маш хямд. Буриадын их сургууль нь суурь шинжлэх ухааны олон чиглэлээр судалгаа шинжилгээний ажлууд хийдэг.

Тус сургууль нь Новосибирск хотын анхны дээд сургууль бөгөөд маш олон жил Хойд Уралын ( Орос улсын Сибирь, Алс Дорнодын нутаг) цорын ганц Барилгын дээд сургууль байсан түүхтэй. Өнгөрсөн хугацаанд Бүх Оросын хэмжээнд болон хол ойрын гадаад улс орнуудын (60 гаруй орон) 55 000 мэргэжилтэнг бэлдэж төгсгөсөн.

Адыгейн улсын их сургууль нь 1940 онд байгуулагдсан ба Адыгейн Бүгд найрамдах улсын сургалт-эрдэм шинжилгээний гол төв бөгөөд 2015 оны 10 дугаар сард 75 жилийнхээ ойг тэмдэглэсэн. Адыгейн улсын их сургууль байгуулагдсан цагаасаа эхлэн өнөөдрийг хүртэл орчин үеийн сонгодог их сургуулийн гол гурван үүрэг болох боловсрол, шинжлэх ухаан, бүс нутгийн хөгжлийг хангахад оролцож байна.

Владивостокийн эдийн засаг, сервисийн улсын их сургууль нь ОХУ-ын Холбооны Алс Дорнодын тойргийн нийслэл Владивосток хотод байдаг бөгөөд улс орны эдийн засгийн хүчирхэг дээд сургуулийн нэг юм. Тус их сургуулийн жилээс жилд олдог ололт амжилтыг нь бүс нутаг, холбооны түвшин, олон улсын хэмжээний түвшинд олж авсан грант, шагналууд тодорхойлон баталж байна.

Горно-Алтайн улсын их сургууль нь 1949 онд байгуулагдсан ба Алтайн Бүгд Найрамдах Улсын хамгийн том боловсрол-шинжлэх ухааны цогцолбор юм. Горно-Алтайн байгалийн баялаг, түүх-соёлын өв нь янз бүрийн бүс нутгуудад өндөр мэргэшсэн мэргэжилтнүүд бэлтгэх шимтэй суурь болсон юм.

Алс дорнодын холбооны их сургууль бол оросын алс дорнодын томоохон дээд сургууль бөгөөд Ази-номхон далайн бүсийн академик суурь газар юм. Олон жилийн ШУ-ны уламжлалыг хадгалан, орчин цагийн боловсролын чиг шугамыг анхааран бид Ази-номхон далайн бүсийн эрдэм шинжилгээний төв болохыг эрмэлзэж байна.

Халимагийн улсын их сургууль 1970 онд байгуулагдсан. ХУИС-д мэргэжилтэн бэлтгэх түвшин: бакалавр, мэргэжилтэн, магистр, аспирантур, докторантур. ХУИС-д өнөөдөр 9000 гаруй оюутан суралцдагаас 800 гаруй нь гадаад оюутнууд юм.