ОХУ-ын кикбоксын аварга шалгаруулах тэмцээнд NEFU-ийн хуулийн факультетын оюутан Юлия Петрова түрүүлэв Ульяновск хотноо болсон кикбоксын аварга шалгаруулах тэмцээний дүн гарч, Зүүн хойт холбооны их сургуулийн хууль зүйн факультетын 4-р курсын оюутан Юлия Петрова 56 кг жинд хүрэл медаль хүртлээ. Юлия Петрова спортын мастеруудтай өрсөлджээ. “Би ОХУ-ын аварга шалгаруулах тэмцээнд оролцоход бэлэн байсан ч тоглолтондоо сэтгэл хангалуун бус байна. Алдаагаа мэдэж байгаа тул засахын төлөө ажиллах болно. Жингийн ангилалд би таван өрсөлдөгчтэй байсан, бүгдээрээ маш хүчтэй бас туршлагатай охидууд. Сургуулийнхаа нийт тамирчиддаа хэзээ ч бууж өгч шантралгүй, алдаанаасаа суралцаж урагшлахыг хүсье” хэмээн тэрээр хэлсэн байна. NEFU-ийн биеийн тамир, спортын хүрээлэнгийн тэнхимийн туслах багш Аял Мигалкины хэлснээр тус тамирчин нь Якутын шигшээ багийн бүрэлдэхүүнд багтаж аварга шалгаруулах тэмцээнд оролцсон. Юлия зуны турш бэлтгэлээ сайн хийсэн, маш их зүтгэлтэй, тууштай оюутан. Цаашдын төлөвлөгөөндөө 2021 оны Оросын кикбоксын аварга шалгаруулах тэмцээнд түрүүлэхийг зорьж байна гэжээ.
