card

Г.Р.Державины нэрэмжит Тамбовын улсын их сургууль (ТамГУ)

Сургуулийн тухай

Г.Р. Державины нэрэмжит Тамбовын улсын их сургууль нь 1918 онд байгуулагдсан бөгөөд ОХУ-ын Төвийн хар шороот бүс нутгийн голлох дээд сургуулийн нэг юм. Тус их сургуульд 13000 оюутан, түүний дотор дэлхийн 64 орны 2400 орчим залуус суралцдаг. ТУИС-д дээд боловсрол олж авахыг сонирхсон залуусын сонирхол нь ирээдүйтэй олон сайхан мэргэжил, хөтөлбөрийн өргөн сонголтоор тодорхойлогддог.

Анагаах ухаан, экологи, нанотехнологи, мэдээллийн технологи, эдийн засаг, хэл судлал, когнитив хэл шинжлэл, менежмент зэрэг идэвхтэй хөгжиж байгаа салбаруудад 150 гаруй мэргэжлээр бакалавр, мэргэжилтэн, магистр, аспирантур, докторантур бэлтгэх сургалтыг явуулдаг. Мөн тус сургууль дээд сургуулийн өмнөх бэлтгэл сургалт, багтаасан сургалт, янз бүрийн дадлага, орос хэлний дамжааг санал болгож байна. Зарим төрлийн мэргэжлээр сургалтыг англи, франц хэл дээр явуулдаг. Цаг агаарын таатай уур амьсгал, хотын сэтгэл татам байдал, хэрэглэгчдийн болон гадаад оюутнуудын дотуур байрны харьцангуй боломжийн өртөг зэрэг нь ТУИХ-д суралцах оюутан залуусыг татдаг юм.

Гадаадын олон оюутан тус сургуулийн бэлтгэл ангид эхлэн суралцаж, орос хэлийг судлан, анагаах ухаан-биологийн, хүмүүнлэгийн болон эдийн засгийн чиглэлээр тодорхой бэлтгэлд сурдаг.

Олон жилийн турш тус их сургууль “Хэл судлал”-ын мэргэжлээр багтаасан сургалтын хөтөлбөрийг хэрэгжүүлж байна. Сургалтын энэ хэлбэрээр хичээллэгч оюутнуудад зориулан хичээлийн тусгай төлөвлөгөө боловсруулсан ба үүгээр орос хэл, оросын уран зохиол, оросын соёлын талаар шинэ мэдлэгийг олж авах боломжтой байдаг.

Их сургууль нь гадаад оюутан залуусын бүтээлч чадварыг хөгжүүлэх их боломжтой байдаг бөгөөд Сургалтыг театр, хөгжмийн, дууны, найрал дууны, бүжгийн дугуйлан, спортын ордон “Антей”, фитнес-төв “Атлетико”, биеийн тамир-эрүүлжүүлэх цогцолбор, стадион, «Галдым» амралтын газар, Музей-үзэсгэлэнгийн цогцолбор, зооботаникийн цэцэрлэг, амьтны музей, геологийн музей тэдний өмнө нээлттэй байна.

Оюутнууд уран бүтээлийн уралдаан, спортын тэмцээнд идэвхтэй оролцдог. «ТУИС-ийн үндэстний соёлын Өдрүүд» олон улсын уламжлалт фестиваль хамгийн нэр хүндтэй уралдаан юм.

Энэ арга хэмжээний үеэр оюутан залуус дуулах, бүжиглах, жүжиглах, хоол хийх ур чадвараа үзүүлж, өөрийн эх орон, соёл, уламжлалынхаа талаар ярьж өгдөг.

Сургалтын чанар, боловсролын үйлчилгээний өртгийг ухаалгаар хослуулсан ТУИС-д оюутан залуус боломжийн үнээр мэргэжлийн боловсролыг олж авдаг.

Зургийн цомог

Байршил

Блог зөвлөмж

Бусад нийтлэлүүд

Хүсэлт илгээх