ОХУ-ын 25 их сургууль дэлхийн шилдэг их сургуулийн рейтингэд багтав Их Британийн Quacquarelli Symonds (QS) судалгааны байгууллагаас дэлхийн шилдэг их, дээд сургуулийн 2020 оны чансааг танилцуулжээ. Тус жагсаалтад ОХУ-ын 25 их, дээд сургууль багтсан байна. Энэ нь өнгөрсөн жилтэй харьцуулахад 25 сургуулиас 15 нь өөрсдийн үзүүлэлтээ сайжруулж чадсан бол таван их сургууль нь чансаа буурсан үзүүлэлттэй гарчээ. Ломоносовын нэрэмжит Москвагийн их сургууль /МГУ/ дэлхийн шилдэг их,дээд сургуулийн 84 –рт эрэмбэлэгдсэн нь 2018 онтой харьцуулахад зургаан байраар урагшилсан байна. Харин Новосибирын улсын их сургууль /НГУ/ жагсаалтын 213-рт бичигдэж, өнгөрсөн жилтэй харьцуулахад 13 байраар урагшилжээ. Түүний араас Санкт-Петербург хотын их сургууль 234-рт бичигдэж байна. Тус сургууль нь 2018 онтой харьцуулахад нэг байраар урагшилсан байна. Дэлхийн жагсаалтад хамгийн том амжилт үзүүлсэн сургуулиар Уралын холбооны их сургууль тодорч байна. Учир нь тус сургууль нь 2018 онд 364-рт эрэмбэлэгдэж байсан бол энэ жил 48-рт бичигдсэн том амжилтыг үзүүлээд байна. Өнгөрсөн жил Best Global Universities жагсаалтад ОХУ-ын 14 их, дээд сургууль багтаж байсан бөгөөд МГУ нь 275-рт эрэмбэлэгдэж байв. Мөн дэлхийн топ-500 их дээд сургуулийн жагсаалтад ОХУ-ын Үндэсний цөмийн судалгааны их сургууль /МИФИ/ 419-рт, НГУ 433-рт, Москвагийн физик, техникийн дээд сургууль 460-т тус тус бичигдэж байв.
