Россотрудничество агентлаг Орос улсын их сургуулиуд дахь гадаад иргэдийн элсэлтийн талаар 2020 оны тайлангаа тавьлаа. Тус мэдээг тус газрын цахим системийг ашиглан явуулсан элсэгчдийн өргөдөл дээр үндэслэн боловсруулжээ. 2020 оны байдлаар Санкт-Петербургийн улсын их сургуулийг 16620 гадаадын иргэд сонгосон байна. Гадаад горилогчдын дунд хамгийн эрэлттэй топ-5 мэргэжлээр: «клиникийн анагаах ухаан», «эдийн засаг ба удирдлага», «мэдээлэл зүй ба компьютерийн инженерчлэл», «улс төр ба бүс нутаг судалын шинжлэх ухаан», «хэл ба уран зохиол судлал» нэрлэгдэв.
СПбГУ-ийн сайт дээр элсэлтийн шалгаруулалтад тэнцсэн бөгөөд сургуулийн зүгээс тэтгэлэг авсан гадаадын элсэгчдийн жагсаалт тавигджээ. Тохиолдож буй хүнд хэцүү үеэс үл хамааран 90 гаруй орноос 3800 гаруй өргөдөл хүлээн авч өмнөх жилүүдээс 35 хувиар их үзүүлэлттэй жил болж байна. СПбГУ-д шинээр суралцахаар Куб, Мавритан, Ангол, Бенин, Чад болон Чили улсуудаас оюутнууд элсэн оржээ. ТУХН болон БНХАУ-аас ирдэг өргөдөл жил бүрийн адилаар хамгийн их үзүүлэлттэй байна.
Санкт-Петербургийн улсын Их Сургууль гадаад оюутнууддаа орос хэлний мэдлэг олгох тал дээр хэрхэн тусалдаг талаар тус Сургуулийн Нэмэлт боловсролын төвийн захирал Ольга Попова дэлхийн хамгийн хэцүү хэлүүдийн нэг болох орос хэлийг сургуулийн хүрээнд хэрхэн сурч болох талаар мэдээлэл өглөө.
