Холбооны төсвөөс санхүүждэг Н.И.Вавиловын нэрэмжит Саратовын Газар тариалангийн улсын их сургууль (СГАУ) нь дээд мэргэжлийн боловсролын байгууллага бөгөөд газар тариалан - аж үйлдвэрийн цогцолборын мэргэжилтэй боловсон хүчин бэлтгэдэг томоохон боловсролын байгууллагуудын нэг юм. Их сургууль нь орчин үеийн дэд бүтэц хөгжиж буй сургалт судалгааны, соёл, нийгмийн цогцолбор төв юм. Тус их сургууль нь 4 салбар, аспирантур, докторантур түвшний сургалт, гурван номын сантай. Их сургууль нь Газар тариалан, аж үйлдвэрийн цогцолборын боловсон хүчний мэргэжил дээшлүүлэх дээд сургууль, Сургалт, шинжлэх ухаан, үйлдвэрлэлийн «Агроцентр» цогцолбор, Сургалт, үйлдвэрлэлийн «Агроэкспоцентр» салбар нэгж, «Волгоагротехника» техникийн парк, Мал эмнэлэг, мэдээлэл, зөвлөлгөө өгдөг «ПОИСК» албатай. Их сургуулийн бааз суурийг түшиглэн " Газар тариалангийн боловсрол ба шинжлэх ухаан" нэртэй Холбоо байгуулагдсан бөгөөд үүнд газар тариалангийн салбарын шинжлэх ухаан, боловсролын тэргүүлэх олон арван байгууллага, үйлдвэр, аж ахуйн газрууд нэгдэн орсон болно. Саратов мужийн тэргүүний 19 ферм нь СГАУ –гийн шинжлэх ухаан, судалгаа, туршилтын ажлын талбар болохын зэрэгцээ оюутнуудын хөдөө аж ахуйн чиглэлийн хичээлийн дадлагын бааз нь болдог. Сургалт нь "мэргэшсэн мэргэжилтэн", "бакалавр" "магистр" –ын зэрэгтэй боловсон хүчин бэлтгэх зориулалттай тусгай чиглэл, хөтөлбөрүүдийн дагуу явагддаг. Суралцах хугацаандаа манай оюутнууд давхар мэргэжил эзэмшдэг. Их сургуулиа амжилттай төгссөн, эрдэм шинжилгээний ажил хийх сонирхол, чадвартай гэдгээ харуулсан төгсөгчдийг аспирантурт үргэлжлүүлэн суралцуулах боломжтой. Өндөр мэргэшсэн боловсон хүчин бэлтгэх ажил нь аспирантур, докторантурын сургалтаар явагддаг. СГАУ нь өөрийн шинжлэх ухааны докторын зэрэг хамгаалуулах Зөвлөлтэй.

Эрхүүгийн улсын их сургууль (ИГУ) нь байгалийн шинжлэх ухаан, физик математик, хүмүүнлэг, нийгэм эдийн засаг болон сурган хүмүүжүүлэх ухааны олон төрлийн сургалтууд мөн шинжлэх ухааны судалгаа шинжилгээ идэвхтэй явуулдаг сонгодог их сургууль юм.

1992 онд байгуулагдсан үндэсний судалгааны эдийн засгийн их сургууль (HSE University) нь олон улсын шинжлэх ухаан болон зохион байгуулалтын стандартад тулгуурлан шинжлэх ухаан боловсролын, төсөл хөтөлбөрүүдийн, эксперт дүн шинжилгээний, нийгэм соёлын үйл ажиллагаагаа явуулдаг.

М.В. Ломоносовын нэрэмжит Хойд (Арктикийн) Улсын их сургууль нь (САФУ) ОХУ-ын Баруун хойд нутгийн томоохон шинжлэх ухаан, боловсролын төв юм. Тус их сургууль нь Евроазийн их дээд сургуулиудын нийгэмлэг болон ОХУ-ын тэргүүлэх их сургуулиудын нийгэмлэгийн гишүүн. САФУ-гийн төгсөгчид хөдөлмөрийн зах зээлд өндөр эрэлттэй байдаг бөгөөд нефть хий, хөлөг онгоц үйлдвэрлэл, барилга, эрчим хүч болон мэдээллийн технологийн чиглэлээр олон улсын болон ОХУ-ын олон тооны төсөл хөтөлбөрт амжилттай оролцож байна.

Кубанийн Газар тариалангийн улсын их сургууль (КубГАУ) нь гадаад оюутнуудыг сургах баялаг түүхтэй, дээд боловсролын салбартаа хүлээн зөвшөөрөгдсөн тэргүүлэх сургуулиудын нэг юм. Орос улсын өмнөд бүсийн хамгийн том их сургууль бөгөөд Хар тэнгис ба Азовын тэнгисийн ойролцоо Краснодар хотод 174 га талбайг эзлэн оршдог. 2014 онд Сочигийн өвлийн Олимпийн наадам, 2018 онд Хөлбөмбөгийн дэлхийн аварга шалгаруулах тэмцээн тус бүс нутагт болж байсан. Кубанийн Газар тариалангийн улсын их сургууль 1922 онд байгуулагдсан. Их сургууль байгуулагдсан цагаасаа хойш өнөөг хүртэл 151 мянга гаруй мэргэжилтэн бэлтгэсэн. Их сургууль нь Болоний хэлэлцээний шаардлагыг хангасан Европ стандартын хоёр түвшний боловсролын сургалт явуулдаг. Өнөөдөр КубГАУ нь дэд бүтэц сайтар хөгжсөн орчин үеийн оюутны томоохон цогцолбор болсон.

Москва хотын  Улсын технологийн их сургууль (СТАНКИН)  ( цаашид МГТУ «СТАНКИН») нь томоохон аж үйлдвэрийн нэгжүүдэд орчин үеийн тоног төхөөрөмж бий болгох чиглэлээр үйл ажиллагаа явуулдаг  тэргүүлэгч технологийн их сургууль юм. МГТУ «СТАНКИН» нь томоохон аж үйлдвэрийн холдингуудын инженерийн боловсон хүчин,  IT-гийн мэргэжилтэн,  технологич; экологи, чанарын менежмент, орчин үеийн материал боловсруулах чиглэлээр мэргэшсэн мэргэжилтнүүд, түүнчлэн санхүүгийн, инновацийн, стратегийн  чиглэлээр өргөн хүрээний ур чадвар, мэдлэг эзэмшсэн менежерүүдийг бэлтгэдэг гэдгээрээ хүлээн зөвшөөрөгдсөн тэргүүний их сургууль юм. Тус их сургуульд   дэлхийн 65 орны оюутан суралцдаг.  МГТУ «СТАНКИН» бол  дэлхийн хэмжээнд  хүлээн зөвшөөрөгдсөн Шинжлэх ухаан, боловсролын төв болно. МГТУ «СТАНКИН»  Москва хотын төвд хэсэгт байрладаг ба сургуулийн ойролцоо метроны 3 станц, томоохон Худалдааны төвүүд, парк, спортын төвүүд бий.

Эрхүүгийн зам харилцааны улсын их сургууль нь (ИрГУПС) 1975 онд байгуулагдсан. Тус сургууль нь төмөр замын тээврийн өндөр мэргэшсэн мэргэжилтнүүдийг бэлтгэх бүхий л нөхцөлийг хангасан сургалт лабораторийн бааз бөгөөд орчин үеийн шинжлэх ухаан боловсролын цогцолбор болоод байна.

Өнөөдөр бол тус сургууль нь ТУХН-ийн орнууд, Урал, Алс Дорнод, Сибирийн хүнсний үйлдвэрлэлийн болон бусад үйлдвэрлэлийн чиглэлийн байгууллагуудын боловсон хүчнүүдийг бэлтгэх тэргүүн зэргийн төв нь болоод байна. Кузбассын их дээд сургуулиудын шилдэгүүдийн нэгэнд тооцогдох КХҮТИС нь Оросын түвшинд өндөр байр суурь эзлэж байгаагаа харуулсаар байгаа.

Эрхүүгийн үндэсний судалгааны техникийн их сургууль (ИРНИТУ) нь Монгол улсад боловсон хүчин бэлтгэж ирсэн тэргүүлэх зэрэглэлийн их сургуулиудын нэг юм. Тус их сургуулийг Монгол улсын Зам, тээврийн хөгжлийн яамны сайд Жадамбын Бат-Эрдэнэ (2017-2018 он), Уул уурхай, хүнд үйлдвэрийн яамны сайд Гэлэнгийн Ёндон ( 2020 оноос), “Эрдэнэт үйлдвэр” ТӨҮГ-ын ерөнхий захирал Хоохорын Бадамсурэн ( 2018 оноос) зэрэг төрийн өндөр албан тушаалтнууд төгссөн.

Санкт-Петербургийн улсын их сургууль нь Петр I-ийн зарлигаар 1724 онд байгуулагдсан Оросын анхны их сургууль юм. Өнөөдрийн байдлаар тус сургуульд 385 үндсэн сургалтын хөтөлбөр, 800+ нэмэлт боловсролын хөтөлбөр, 150+ онлайн курсын сургалтуудыг орос, англи, хятад хэл дээр тус тус явуулж байна.

Москвагийн политехникийн их сургууль нь үйлдвэрлэлийн салбарын өндөр мэргэжлийн боловсон хүчнийг бэлтгэдэг хамгийн том боловсролын байгууллага юм. Тус сургууль нь 2016 онд Москва хотын МАМИ, МГУИЭ, МГОУ, МГВМИ, МГИУ, МГУП им. И.Федорова сургуулиудыг нэгтгэх замаар байгуулагдсан.

Тус их сургуульд дэлхийн өнцөг булан бүрээс ирсэн 18000 гаруй оюутнууд суралцдаг. 120 тэнхимд 2000 гаруй өндөр мэргэжлийн багш нар ажилладагаас 85% нь эрдмийн цол зэрэгтэй.

Арктикийн улсын соёл, урлагийн дээд сургууль нь ОХУ-ын зүүн хойд бүс нутагт урлагийн салбарын боловсон хүчин бэлтгэх тэргүүлэх их сургууль юм. Манай сургуулийн анхны гадаад төгсөгч нь чимэглэл урлагийн чиглэлээр бакалаврын зэрэгтэй төгссөн финлянд бүсгүй юм.

Санкт Петербург хотын Уулын их сургууль (СПГУ) нь 1773 оны 10 сарын 21- нд ( 11 сарын 1) Екатерина II Хатан хааны зарлигаар Оросын анхны уулын чиглэлтэй инженерийн их сургууль болон байгуулагдсан түүхтэй. Энэ огноог Оросын техникийн дээд боловсролын төрсөн өдөр хэмээн үзэж болно. Өнөөдөр Уулын их сургууль дээд мэргэжилийн бүх түвшний сургалтын хөтөлбөрийг хэрэгжүүлж нефть, хий, өнгөт болон ховор метал, алмаз, үнэт чулууны эрэл хайгуул хийдэг, олборлолт үйлдвэрлэлт явуулдаг Оросын болон дэлхийн томоохон компаниудад зориулсан бакалавр, магистрын түвшний болон дипломтой мэрэгжилтнүүдийг бэлтгэж байна.

В.Р. Филипповын нэрэмжит Буриадын улсын хөдөө аж ахуйн их сургууль нь–Буриадын хамгийн анхны дээд боловсролын байгууллага төдийгүй Байгаль нуурын бүс нутгийн анхны хөдөө аж ахуйн дээд боловсролын байгууллага бөгөөд Арктикийн их сургуулиудын холбоо ба Европын амьдрах ухааны их сургуулиудын холбооны (ICA) гишүүн юм.