Дээрх үзүүлэлтүүд нь Оросын боловсролын түүхэн уламжлалтай холбоотой буюу анхны дээд боловсролын байгууллага болох Славян-грек-латин академ нь 1687 онд байгуулагдаж, анхны их сургуулийг 1755 онд М.В.Ломоносов байгуулснаас үүдэлтэй юм. Үүнээс хойш шинжлэх ухаан, утга уран зохиол, урлаг соёл, техник технологи гээд дэлхийн олон зуун нээлт, бүтээлүүд болон эрдэмтэд Орос орноос бий болж, үүнээс 40 гаруй нь Нобелийн шагналыг хүртсэн юм. Түүнээс хойш өдгөө Орос оронд Калининградаас Владивосток хуртэл 82 мужид 818 их дээд сургууль нээгдсэн байна.

Оросын академик боловсрол дэлхий нийтээр хүлээн зөвшөөрөдсөн байдаг. Өнөөдөр барууны зарим орнууд Зөвлөлтийн үеийн боловсролын системийг дунд боловсролын системдээ нэвтрүүлээд, сургалтаа хэдийн явуулаад эхэлжээ. Их Британийн нэртэй улс төрч, экс боловсролын сайд Жастин Грининг ВВС телевизэд өгсөн ярилцлагадаа Англид хүүхдүүд одоо Ландау, Розенталь, Колмогоровын шилдэг сурах бичгүүдээр суралцаж байгаа талаар дурдан, үр дүнд нь эдгээр хүүхдүүдийн боловсролын чанар, мэдлэг, чадвар хоёр дахин илүү болж байгааг тэмдэглэсэн юм. Түүнчлэн, Итоны /Их Британийн шилдэг дунд сургууль/ коллеж нь аль 1995 онд уг систем рүү сургалтаа шилжүүлж, өнөөдөр дэлхийн ерөнхийлөгчид, ерөнхий сайд нар хүүхдүүдээ тус сургуульд сургахаар шамдаж байгааг онцолжээ.

Түүнчлэн дэлхийд тэргүүлэгч THE болон QS World University Rankings боловсролынагентлагуудын рейтингээр Оросын их сургуулиуд сүүлийн 10-аад жилд үсрэнгүйгээр дээгүүр байруудад орж ирэх болсон байна.

Өнөөдрийн нийгэмд нэг дээд боловсрол эзэмших нь хангалтгүй болж, орчин үеийн залуус хоёр, гурван мэргэжилтэй болохыг эрмэлзэх болсон. Тэгвэл чанартай академик, шинжлэх ухаанч мэдлэг чадвараар сууриа тависан тохиолдолд Та дэлхийн аль ч өнцөгт өрсөлдөх чадвар өндөртэй боловсон хүчин болно.