Владивостокийн эдийн засаг, сервисийн улсын их сургууль (ВГУЭС) нь ОХУ-ын Алс Дорнод хэсэгт байрладаг тэргүүний бизнес их сургуулиудын нэг юм. Их сургуулийн сургалтын хөтөлбөрүүд нь эдийн засаг, бизнес, менежмент, аялал жуулчлал, дизайн, инженерчлэл болон олон улсын судалгаа, шинжилгээ хийхэд чиглэдэг. Тус Их сургуулийн кампус нь оюутны сурах, амьдрах, чөлөөт цагаа зөв өнгөрөөх бүх нөхцлийг бүрдүүлсэн байдаг. Энэ нь: хичээлийн байрууд, дотуур байрууд, томоохон парк, номын сан, «Чемпион» нэртэй спорт цогцолбор, «Лотос» эмнэлэг, «Андеграунд» концертын цогцолбор, «Голубиная падь» худалдааны Төв, 10 гаруй кафе, залуучуудын студи ба төрөл бүрийн нэгдлүүд г.м. ВГУЭС - д гадаадын 25 орны 700 гаруй оюутнууд суралцдаг. Манай сургуулийн гол түншүүд бол Хятад, Солонгос, Япон, Вьетнам, Лаос улсын боловсролын байгууллагууд юм. ВГУЭС нь Европын Холбооны ERASMUS + хөтөлбөрийн хүрээнд дээд боловсрол болон оюутан, мөн спортыг дэмжих чиглэлд хамтын ажиллагаагаа хөгжүүлж байна.

Өмнөд-Уралын улсын их сургууль нь (ЮУрГУ) Европ, Азийг холбосон олон соёл,олон үндэстний SMART их сургууль бөгөөд Евроазийн хилийн заагт орших Челябинск хотод байрлах ба оросын дээд боловсролын нэг лидер юм. Рейтингээрээ ОХУ-ийн тэргүүлэх 15 их сургуулийн тоонд багтдаг мөн жилээс жилд дэлхийн их, дээд сургуулийн жагсаалтад рейтингээ ахиулсаар байна. Дэлхийн түвшийн мэдлэг боловсрол эзэмшсэн, олон улсын зах зээлд өрсөлдөх чадвартай мэргэжилтэн бэлтгэхэд манай сургуулийн сургалтын бүх бодлого, хөтөлбөрүүд чиглэдэг. Өнөөддөр ЮУрГУ-д 58 орны 2300 гадаад оюутан олон төрлийн мэргэжилээр суралцаж байна. Сургуулийн хэмжээнд бакалавр, магистр, специалитет, орос болон англи хэл дээрхи аспирантур гэх мэт олон түвшний сургалтын хөтөлбөр хэрэгжиж байна.

Кубаний улсын их сургууль нь байгалийн шинжлэх ухаан болон хүмүүнлэгийн ухааныг хослуулан заан сургадаг сонгодог их сургууль юм. Дэлхийн 80 гаруй тэргүүлэх их сургуулиуд Кубаний их сургуультай боловсрол, шинжлэх ухаан, инновацийн салбарт хамтран ажилладаг.

Томскийн удирдлагын систем, радиоэлектроникийн их сургууль (ТУСУР) нь Томск хотын залуу их сургуулиудын нэг юм. Сансар огторгуйд цоо шинэ нээлтүүд хийгдэж, цахим тооцооллын технологи, харилцаа холбоо, радиоэлектроникийн шинэ хэрэгсэл асар хурдацтай хөгжиж байгаа эрин үед байгуулагдсан энэхүү Их сургууль нь байгуулагдсан жилүүдээсээ эхлэн шинжлэх ухаан, технологийн дэвшлийн үйл явцыг дэмжиж ирсэн юм.

И.И Ползуновын нэрэмжит Алтайн техникийн улсын их сургууль (АлтГТУ) нь ОХУ-ын тэргүүлэх их сургуулиудын нэг бөгөөд Алтайн хязгаарын хамгийн том сургууль юм. Түүний бүрэлдэхүүнд 7 факультет, 5 дээд сургууль багддаг.

“Томскийн үндэсний судалгаа шинжилгээний политехникийн их сургууль нь ОХУ-ын техникийн тэргүүүлэх их сургуулиудын нэг бөгөөд 1896 онд Николай II хааны практик инжиенерүүүдийн Томскийн технологийн дээд сургууль нэртэйгээр байгуулагдаж байв.

Эрхүүгийн үндэсний судалгааны техникийн их сургууль (ИРНИТУ) нь Монгол улсад боловсон хүчин бэлтгэж ирсэн тэргүүлэх зэрэглэлийн их сургуулиудын нэг юм. Тус их сургуулийг Монгол улсын Зам, тээврийн хөгжлийн яамны сайд Жадамбын Бат-Эрдэнэ (2017-2018 он), Уул уурхай, хүнд үйлдвэрийн яамны сайд Гэлэнгийн Ёндон ( 2020 оноос), “Эрдэнэт үйлдвэр” ТӨҮГ-ын ерөнхий захирал Хоохорын Бадамсурэн ( 2018 оноос) зэрэг төрийн өндөр албан тушаалтнууд төгссөн.

Үндэсний судалгааны технологийн "МИСиС" их сургууль ньОХУ-ын ихээхэн хурдацтай хөгжиж байгаа шинжлэх ухаан, боловсролын төвүүдийн нэг. Анх 1918 онд Москва хотын Уул уурхайн Академийн салбар болон байгуулагдаж, 1930 оноос бие даасан их сургууль болсон байна.