Башкортостан улсын Засгийн газрын шадар сайдаар Азат Бадрановыг томиллоо. “Тэрээр үндэстэн ястан хоорондын харилцаа болон олон үндэстний хэл, соёл, зан уламжлалыг хадгалах болон бусад асуудлуудыг хариуцах болно” хэмээн тус улсын тэргүүн Радий Хабиров мэдэгджээ. Мөн хэлсэн үгэндээ Азат эх орондоо хайртай залуу хүний хувьд олон нийтийн ажил хийж байсан туршлага тус улсад бий болсон өндөр нэр хүндээрээ энэхүү албыг амжилттай гүйцэтгэнэ гэдэгт итгэж байгаагаа илэрхийлжээ.

Энэ жил 5 дахь жилдээ Ган хийцийн хөгжлийн Ассоциацаас зохион байгуулагдаж байгаа олон улсын STEEL2REAL’2020 төслийн уралдаанд тус суруулийн оюутнууд ээлжит амжилтаа олон улсын түвшний өндөр мэдлэг ур чадвараа нотлон, уг сургуулийн Вероника Макарова болон Меруерт Саржанова нараар ахлуулсан багууд 3 шагналын 2-ыг нь авлаа.

Д.Банзаровын нэрэмжит Буриадын улсын их сургууль нь (Улаан-Үүд) гадаад иргэдийг “Орос хэлийг гадаад хэлний хувьд сурах” сургалтандаа урьж байна. Сургалтын үйл явц нь орос хэлний мэдлэгийн түвшнээс хамаараад хэд хэдэн түвшинд явагдана. Үүнд: анхан шатны анги (Үндсэн шат), дунд шатны анги (Анхан сертификатын түвшин), гүнзгийрүүлсэн анги (2 дахь сертификатын түвшин) байна. Курсыг төгссөний дараа сертификат олгоддог.

Башкирийн улсын их сургуулийн Стерлитамаксын салбар сургууль нь "Башкирын зөгий" хэмээх башкирын зөгийн балыг дэлхийн зах зээлд гаргах тоон платформыг бүтээжээ

Оросын үндэсний "Интерфакс" мэдээллийн группын "Үндэсний их сургуулиудын рейтинг"-ээр Башкирын улсын их сургууль нь ОХУ-ын их сургуулиудаас Пермийн үндэсний судалгааны политехникийн их сургуулийн хамт 57-58-р байранд орж, Башкир улсын хэмжээнд тэргүүлэх чансаагаа хадгалж чадлаа. Сүүлийн жилүүдэд тус сургууль нь олон улсад болон Орос улсдаа өөрийн байр сууриа тогтмол дээшлүүлж байгаа бөгөөд ОХУ-ын "холбооны", "үндэсний", "тулгуур" гэсэн статустай сургуулиудыг ч ардаа орхижээ. 

Дэлхийн их сургуулиудын чансааг тогтоогч ARES агентлагийн эрэмбээр Д.Банзаровын нэрэмжит Буриадын улсын их сургууль нь ВВ+ индекс бүхий үйл ажиллагааны өндөр үзүүлэлттэй номинацид шалгарчээ.

Тус сургуулийн ректоратын шийдвэрээр магистраар сурч буй оюутнуудынхаа тэтгэлгийг 40%-иар нэмэгдүүлж 5320 рубль /213,000₮/ болголоо. Харин эхний семестрийнхээ шалгалтыг хугацаандаа амжилттай өгсөн тохиолдолд 7890 рубль /316,000₮/ авах юм байна.

ОХУ-ын Боловсрол, шинжлэх ухааны яам нь тус сургуулийн физикийн онлайн лабораторийн ажлуудыг зайны сургалт руу шилжих амжилттай кэйсээр тодорхойллоо.

Г.В.Плехановын нэрэмжит Оросын эдийн засгийн их сургууль нь ОХУ-ын Залуучуудын асуудал эрхэлсэн Холбооны агентлагийн дэмжлэгтэйгээр 2020.08.14-18-ны өдрүүдэд Москвагийн санхүү-хуулийн их сургуультай хамтран залуу бизнес эрхлэгчдэд зориулсан цогц арга хэмжээнүүдийг зохион байгуулах гэж байна.

Буриадын улсын их сургууль нь Монгол улсын Засгийн газраас зохион байгуулсан ОХУ-ын Москва, Санкт-Петербург болон бусад хотуудад сурч буй монгол оюутнууд болон холимог гэр бүлүүдийн гишүүдийг эх оронд нь буцаан авчрах арга хэмжээнд оролцлоо. Орос дахь Монголын консулын газруудад эх орон руугаа буцах хүсэлт ирүүлсэн иргэдийн тоо 2000 гаруй байгаа ажээ. Иймд Монгол улсын онцгой комиссын шийдвэрийн дагуу 2020 оны 5 дугаар сарын 11-15-ны өдрүүдэд иргэдээ татан авах ажиллагааг явуулсан юм.